Solidariteti si Rezistencë
1 MAJ 2025 – Galeria e Qytetit – Gjilan
Ekspozita „Solidariteti si Rezistencë“ e piktorit Mentor Berisha sjell ciklin e punimeve të fundit të frymëzuar nga `Falja e Gjaqeve` në shenjë të përvjetorit të 35-të të Aksionit për Pajtimin e Gjaqeve gjatë vitit 1990 në Kosovë. Ky cikël pikturash shpalos rolin e këtij aksioni dhe të tubimeve masive si subjekte politike dhe rezistuese gjatë një prej periudhave më të ndjeshme dhe transformuese në historinë e Kosovës. Në qendër të këtyre punimeve qëndron figura e një kolektivi aktiv e me përmasa masive, i cili bëhet dëshmitar dhe bartës i vullnetit për ndryshim. Solidariteti qytetar, në veprat e Berishës, shfaqet përmes ngjyrave, shtresimeve dhe motivit të karvanëve në lëvizje, ku pjesëmarrësit udhëhiqen nga dëshira e thellë për falje dhe vetëdijesim, duke u bërë pjesë e një lëvizjeje popullore që sfidon rendin e vjetër të izolimit dhe gjakmarrjes. Përmes një qasjeje ekspresioniste, piktori përdor teknikën spachtel dhe stilin alla prima, për të krijuar tekstura të trasha që ngjajnë me skulptura të ngritura mbi sipërfaqen e kanavacës – një proces që u jep veprave thellësi emocionale dhe plastike. Pikturat paraqesin grupe njerëzish të zhveshur nga individualiteti, të cilët shndërrohen në një simbol unifikues, në një protagonist të përbashkët që kërkon skenë dhe veprim. Berisha nuk i vendos masat në një hapësirë të caktuar arkitektonike, por zgjedh perspektiva të hapura si: livadhe, fusha dhe lendina, ku turma shpërndahet në territor gjatë udhëtimit të saj. Dritat dhe ngjyrat e shtresuara përçojnë tensionin e çastit, dinamizmin e aksionit dhe gjallërinë e përbashkët që ngjizet në to. Kjo ekspozitë nuk është vetëm një kujtesë vizuale për të kaluarën, por edhe një formë alternative e eksplorimit dhe reflektimit mbi të.
Kurator: Alban Beqiraj
Solidarity as Resistance
1 May 2025 – City Gallery – Gjilan
The exhibition Solidarity as Resistance by Mentor Berisha presents a cycle of recent works inspired by The Forgiveness of Blood Feuds, marking the 35th anniversary of the 1990 Blood Feud Reconciliation Movement in Kosovo. This series of paintings highlights the role of the movement and the mass gatherings as political and resistant forces during one of the most sensitive and transformative periods in Kosovo’s history.
At the core of these works stands the image of an active, large-scale collective—both a witness to and a bearer of the will for change. In Berisha’s paintings, civic solidarity is expressed through color, layering, and the recurring motif of moving caravans, where participants are driven by a profound desire for forgiveness and awareness. They become part of a popular movement that challenges the traditional cycle of isolation and blood feuds.
Through an expressionist approach, Berisha employs the spachtel technique and alla prima style to create thick, sculptural textures that rise from the surface of the canvas—imbuing the works with emotional and material depth. The paintings depict groups of people stripped of individuality, transformed into a unifying symbol: a shared protagonist seeking visibility and agency.
Berisha deliberately avoids placing the masses within defined architectural settings. Instead, he chooses open landscapes—meadows, fields, and clearings—where crowds disperse and travel, embodying a collective journey. The layered light and color convey the tension of the moment, the energy of movement, and the shared vitality that pulses through these gatherings.
This exhibition is not merely a visual remembrance of the past, but also an alternative way of exploring and reflecting upon it.
Photo credit: Kushtrim Haxha
>>KOHA Solidariteti si rezistencë përmes ngjyrave dhe shtresimeve motivuese
>>OBSERVER KULT Në Gjilan u hap ekspozita “Solidariteti si Rezistencë“ e piktorit, Mentor Berisha